اية الى بيحصل دة وازى نصلحة

بجد حاجة غريبة بقيت فبيوتنا كلنا
معرفش برود و لا ظروف صعبة
مشاعر باردة جفاف
حالة ملهاش وصف كدة
زمانكم بتقولوا مانااتجننت
لا مش تقلقوا لسة عاقلة
هو سؤال انت مين اول حد بتشكيله همك ?
و الدتك ووالدك
و لا اصحابك
و حبيبك او حبيبتك
لما سألت الاسئلة دى لاصحابى اغلب الاسئلة خرجت برة اطار البيت
طيب حاجة تانى
ليه الولد بيتكسف انه لما يكون متضايق و الدنيا مسدوودة فوشه انه يترمى فحضن مامته و يشكيلها همه ؟
علشان هو مترباش و متعودش على كدة
بيحس ان دة ضد رجولته
و لا علشان الام نفسها مش فاضية تحس و لا حد فاضى لحد اصلا و كل واحد فوداى

تخيلوا ان بيوتنا بقيت لوكندات
كل واحد بدماغه
واهو بنتجمع فالليل و ننام و نصبح كل واحد فحاله

طيب البنت اللى كبرت و محتاجة حنان و محدش حاسس بيها
اهم حاجة انها تاكل كويس و تذاكر كويس
علشان بابا و ماما عايزنها تبقى احسن واحدة فالدنيا
مش مهم هى متضايقة و لا مخنوقة و لا اى حاجة المهم تذاكر و تاكل كويس و خلاص
مش مهم تتكلم و لا تعبر عن نفسها
و يجى الاب و الام يقولولها انا عينى طالعة علشان اجيبلك كل اللى انتى عايزاه و مش حارمك من حاجة
عايزك تذاكرى كويس و تنتبهى لمصلحتك و ناسيين هى محتاجة ايه تانى غير الفلوس
طيب مش حقها تدور على المشاعر برة ...!
و للاسف بتدفع التمن غالى اوى اوى
و فالاخر الاهل بيخسروا برضه
طيب دى تعمل ايه
عارفين اننا بقينا بنشحت الحب...................؟
اه و الله بنشحته
بندور عليه
ممكن البنت تحب واحد علشان بيفهمها و بتعرف تتكلم معاه
مش مهم اى حاجة تانى
رغم ان دة ممكن تلاقيه فالبيت
فمش محتاجة تدور عليه برة

الواد اخلاقه باظت ملموم على شلت عيال صيع
اه و الله اخلاقه باظت
بس الصيع دول هو اللى بينسى معاهم الدنيا هما الى بيرتاح معاهم
بيلاقى روحه معاهم
بيلاقى حب معاهم اه اصحابه رجاله لما بيحتاجهم بيلاقيهم
انا مش بقول ان الصحوبية غلط او عيب
بس قصدى ازاى صاحبى يعرف عنى اكتر من اختى واخويا
البيت بقى فاضى ليه من الحب من الاهتمام والدفا
طيب راح فين ؟
العيب فينا ؟ بقينا مش عاجبنا حاجة و كل واحد عايز يستقل بحياته ؟
و لا اتربينا غلط لان اهالينا كانوا تعبانين فربايتنا و نسيوا حاجات كتير و سط الهموم و الشقا اللى شقيوه ؟
و لا هما اصلا مش عارفين اهتماتنا ؟
يمكن ظروفنا المادية و الاجتماعية الصعبة هى اللى عملت كدة ؟

كام واحدة اسرارها مع اخوها
طيب كام واحد يعرف ان اخته بتحب
معلش الكلمة متوجعكمش اوى
كل البنات ليها اخوات ولاد و بتحب و بتعمل علاقات
لكن احنا محدش فاضى لحد خالص
تفتكر اخر مرة زورت قرايبك امتى ؟
مع انك كل يوم مع اصحابك و مرمى على النت يعنى مش مشغول
عمرك رحت ملجأ؟؟؟؟دار مسنين ؟
عارفين يمكن لو رحنا الاماكن دى نحس بقيمة الحاجة اللى معانا و نحاول نستفيد منها

طيب هو احنا ينفع نصلح العلاقات دى بعد ما كبرنا خلاص
و لا ناخد بالنا علشان نربى اولادنا صح


افكار كتيرة اوى اوى فدماغى
بقينا فمجتمع غريب كله حاقد على بعض
بيوت باردة
علاقات مشبوهة
احتياج للحب

حاجات كتير بقى عليها علامات استفهام
و للاسف ناسينها او متناسينها

عايزة اعرف من كل واحد هيدخل نعمل ايه
نرجع الدفا لبيوتنا ازاى
نشيل خجلنا من اهالينا ازاى
و لا دة خلاص مستحيل
و نفكر فاللى جاى ازاى نربى اولادنا صح

مرسي ليكي على الموضوع الجامد داة بجد الموضوع جميل اوى اوى

بجد موضوع جامد يا كريزى اة فعلا عندك حق يلا بقى وشكرااااااااا يكى كتيييييييييييييييييييير

الموضوع حلو اوى فعلا كل دة بيبقى موجود فى معظم البيوت كل واحد فى وادى ومحدش سائل فى حد لازم نتعلم من دة ولازم نتعلم من اخطائنا